【韓上癮】

呢D靚到爆既甜品係咪好吸引又好吸睛呢?

位於漢南洞既Passion 5絕對係甜品控既好去處

事關呢度唔單只有咁精美既蛋糕，仲有雪糕啦，麵包啦，全部都係高質素！

總之入到去你就會講：嘩！好似好好味咁呀！(細傻婆既口頭嬋哈)

門口有一隻好大既紅色雞仔，eye-catching，好易搵！

其實呢一棟building係有西餐廳既，聽講好好食架，

不過今次我地主攻地下的甜品麵包區，名為Passion 5(패션5)。 

Passion 5 同Paris Baguette、Dunkin Donuts、Baskin Robbins一樣，

都係為食品專門SPC集團旗下既。

而點解叫Passion 5呢? 

意思係麵包(Bakery)、蛋糕(Patisserie)、朱古力(Chocolate)、咖啡(Cafe)四個部分構成

再加上熱情(Passion)的元素，就成為Passion 5啦～

行到去門口，有位男士為我地打開門，十足酒店一樣，相當高級。

一入去首先會見到Gelato區，之後就係麵包同Cake啦～

款式相當多架！樣樣都好正，唔知買邊樣好，選擇困難症又出現啦！

外型尖尖，好似三角形既呢款其實係栗子酥。

細傻婆買左返去Apartment食，當係上機前既下午茶，超級好味！

左下角呢個南瓜批都好正咁款，仲有好多croissant呀！佢地好似呼喚緊我呀，聽唔聽到呀？

好啦！轉一轉鏡頭，我地睇下Cake啦～

呢度買Cake係可以坐係度食既，可以慢慢嘆。

Cashier後面就係蛋糕師傅既工作間，佢地專登設計有塊鏡係工作台既上方，

比客人可以望到師傅整緊咩蛋糕，相當細心呀。

大細傻婆諗左一大輪，終於揀左呢兩款，比較特別的蛋糕！

右面既係柚子jelly，有新鮮橙肉，食到中間會有蛋糕出現，加分！

左面細件少少既是青檸Cake，清新，唔太甜，yummy！

除左呢D新鮮既蛋糕之外，仲有一D包裝既曲奇呀，Macaron等，岩晒做手信。

而家諗返轉頭，叫得兩件實在太少。

回頭率100%！下次去首爾一定要再去呀～

Passion 5

地鐵6號線漢江鎮站3號出口，步行3分鐘(100m)