【韓上癮】

黎南韓唔一定日日Shopping既，去遠Ｄ睇下景真係好正架！

最好就仲有單車可以踩下，咁就真係超寫意啦~~~~~

之前同大家介紹過漢江公園單車遊 (可以睇返呢條link：http://koreaoverdose.pixnet.net/blog/post/27711994)

今次帶大家去遠Ｄ，黎到楊平既兩水站！好有驚喜呀真係！

細傻婆今次住首爾站，中午時分就去左位於龍門的＂夢想照相機＂Cafe，下午就出返兩水站啦。

如果你係由首爾站出發，需要搭9個站(1號線)在回基站轉一次車，

然後搭11個站(京義中央線)去到兩水站就到啦！

全程需要76分鐘，就到位於京畿道楊平郡的兩水啦～～～～～

先黎睇下兩水既地圖先！

出左地鐵後去１號出口就有單車租啦～10000won 兩個人，時間係2hrs ! 超平呀! 

老闆會叫你放底身份証做抵押既，你放ID Card or Passport都可以。

今次會同大家介紹兩個景點，第一個係洗美苑 세미원 ，就係上面地圖綠色既地方～

一齊睇下官方網站點樣介紹呢個地方先：

洗美苑為位於京畿道楊平郡楊西面龍潭里的自然淨化公園，洗美苑的名稱出自於觀水洗心、觀花美心的古語。為了展現觀看漢江水以洗滌身心的象徵意義，園內步道皆以洗衣板的形象呈現；為了讓遊客能在欣賞水蓮與蓮花等花卉的同時豐富心靈，亦展示了詩畫作品。

另外，洗美苑為利用具代表性的水生植物所打造的自然淨化公園，在建造時期獲得京畿道的100億資金支援，佔地18萬平方公尺，設有6座池塘，裡頭生長著蓮花、水蓮、菖浦等植物。漢江水在流經六個池塘並經過重金屬與浮游物質去除作業後，流入八堂水壩。

係咪睇完都覺得洗滌心靈呢？哈哈哈 細傻婆都係去到先知原來係咁大咁靚架 (心心眼)

好啦！講左咁耐！其實點去呢？好簡單！租完單車，兩水站對出沿住馬路一條大直路踩過去就係啦！

記得小心車輛呀～大概10-15分鐘左右就到，過條馬路就到左洗美苑啦～～～

就係呢條斜路啦，向下行就是啦。

過埋馬路就到洗美苑啦～～～

單車係唔可以入苑既，不過門口小店有個呀豬媽好好人，幫我地用鎖鎖好單車，唔收錢Yeah！

入去行花園需要買飛既，ticket counter就係呢個啦 ~

記得拎返份leaflet呀！有地圖就唔驚唔知行左去邊啦～

入到去真係好舒服，無諗過個園裡面係咁靚架。

仲見到粉紅色靚靚梅花~~~~

如果夏天黎仲會開滿荷花好靚架，本地人都會黎欣賞荷花池～

只要你沿住橋過去，就會到兩水頭公園啦！不過當日好凍所以我地就唔過去啦～

如果想去兩水頭公園就踩單車行返出面條路會快好多～

由洗美苑離開，返轉頭去返兩水站，就出發去第二個景點：北漢江鐵道橋！

鐵道橋就係接駁兩水站和雲吉山站啦～唔好睇佢好似好遠咁，其實單車去只須要15分鐘就到啦~

途中會經過菜園，都會見到好多本地人踩單車架～

今次就唔洗踩馬路啦，有單車徑比你踩，安全好多！

過埋呢條橋就差唔多到啦～～

就黎日落啦！！！！

單車雕像好型呀～～～～

到啦～～～～～北漢江鐵道橋！

單車＋日落＋江景（超大風）＝無得頂哈哈哈哈哈

好得意既設計！可以望到下面既漢江，驚唔驚呢？

自拍完一輪之後，由於太凍太大風既關係就離開鐵道橋返兩水站啦！

annyeong 楊平！bye-bye～～～～～～

(溫馨提示) 兩水站的地鐵班次好疏，最好就影一影地鐵的時間表，咁就唔洗等好耐先有車出返首爾啦。

下次去韓國玩，又想踩下單車享受下，可以黎楊平玩一日呀~~~~

多謝收睇！歡迎留言！祝 韓遊快樂～～～～～

(黎緊韓上癮會有好多介紹，密切留意呀！）