【韓上癮】

相信大家對LABIOTTE呢個牌子一定唔會陌生～～

較早前當紅韓劇「奶酪陷阱」既女主角金高恩

在劇內所用的化妝品就係LABIOTTE既脣彩同埋bb cushion

而最高人氣既就係呢支紅酒脣彩 WINE LIP TINT~

而家仲愈出愈多～有Wine Lipstick, Wine Mascara啦～～

不過今日韓上癮就唔係講呢類紅酒樽形狀既product (因為大家都識就唔洗我地介紹啦哈哈)

其實LABIOTTE既其他產品都好正架～～～一齊睇下啦

首先介紹既係呢一盒 WINE EYE SHADOW PALLETE

共有兩隻色 1號色係大地色系, 2號色係粉橙色系

細傻婆三月去明洞分店時, 2號色已經無晒貨

後來大傻婆四月去先買到2號色～～～

個人覺得２號色比較特別，1號色就百搭，睇你自己需要啦～

細傻婆就揀左２號，試上手比大家望下

燈光問題可能會覺得有Ｄ淺色，不過上左妝係可以既

加上呢種粉橙紅色如果太深色會好似眼腫咁

所以自然一點就OKAY啦～

通常呢款眼影盒都會有埋個眼影掃，方便使用。

但有時會係綿花質地，超級唔好用

不過LABIOTTE呢款係毛毛質地，好用！加分！

但如果你慣左係用手指上eye shadow既就...無分別啦哈哈哈

另一推介！

大細傻婆一向喜愛用3CE Nail Polish

因選擇多 顏色鮮亮 價錢便宜

每次到韓遊總會買返幾支

今次終於有其他選擇

LABIOTTE Petal affair WATER NAIL

產品採用天然成分，以花瓣作顏料，不含化學成份

無味(3CE NAIL比較大味)、快乾

指甲油掃頭易用，輕易塗上指甲，可惜樽蓋太粗，不太好拿

不過不太持久，最後搽多層TOP COAT可維持4-5日

但輕易撕走，方便轉色

而且不用使用洗甲水，更保護指甲

LABIOTTE

明洞分店 (首爾特別市中區明洞2街55-5 )

另外在東大門、弘大、梨大、COEX都設有分店