【韓上癮】

有時偶然發現好東西，韓上癮梗係食好西啦～哈哈哈

呢間專食鐵板燒雞既餐廳位於淑大

唔講唔知，原來淑大入口站附近都好多餐廳架

當日細傻婆本來想食박대박조개찜紅蟹海鮮鍋

點知夜晚8點都未夠就已經sold out

結果比我發現對面既燒雞專門店，就決定試下新野啦

就係呢一間啦啦啦！

누릉지 통닭고이 意思係「烤雞炒飯」

餐廳門口有個燒爐係度

燒好既雞就會拎入去比客人

即燒即食！

二話不說就坐低左啦

望住個韓文menu真係唔知叫咩食好

不過遇著個好好人既waiter oppa

好努力用英文解釋個餐牌比我地知

仲拎埋手機出黎查字典 真係好感動呀！

（臨走時同nice oppa selfie一張哈哈哈)

結果叫左三樣：招牌菜粟米鐵板燒雞、泡菜手握飯團、韓式拉麵

粟米既份量好多，燒雞好滑，一點都唔乾，熱辣辣好好食！

燒雞下面墊住既係焦香既米飯，撈埋粟米一齊食正正子～

放在中間位置既醬料，一邊係鹽，一邊係惹味蜜糖芥末醬

蜜糖芥末醬同燒雞好夾，就好似外國人食三文魚點既honey mustard, 超好味！

醫汁簡直係呢隻燒雞既靈魂呀～～～

另一樣好欣賞既係手握飯團

店員會提供膠手套比你，自己飯團自己握！

飯入面除左有kimchi之外

仲有大量紫菜同蟹籽，啖啖都有咸香味

結果成盤清晒！正！哈哈哈

兩個人食到攬住個肚走～～～超滿足

所以係首爾搵野食真係無難度

發掘新食店真係好興奮架！

除左粟米雞之外，仲有芝士雞供選擇架

喜歡芝士的朋友唔洗成日都係芝士排骨咁悶啦

계림원

地址：서울시 용산구 갈월동 86-2

前往方法：淑大入口站 9號出口

(下圖紅色標示為餐廳位置)